天水圍公園深宵傳女子呻吟聲 街坊質問街童點解播鹹片

今日(26日)凌晨零時51分，有市民報案指天水圍天秀路公園，懷疑有街童高聲播放淫褻影片，在公園內可以聽到女子的呻吟聲。警員接報到場調查，發現涉事人士已經離去。

有網民拍下事件經過，並把影片上載到社交網，貼文指「啱啱放狗經過隱約聽到奇怪聲，即刻開cam行過去睇咩事，原來係一班街童踩住電動單車，開住個喇叭播鹹片」。貼文續指，「我哋過去之後，一個返轉頭車埋女朋友，另外2個即閃再串返我哋話自己好L型。隔離樓上啲人都已經瘋狂X，即刻已經報咗案留底」。

根據流傳的2條影片，其中一條顯示在公園內傳出女子的呻吟聲，聲浪傳遍整個公園。另一條片則是網民質問一名騎電動單車少年，惟該少年聲稱「唔關我事」，一名少女隨即坐上電動單車後座，兩人繼而一併駕乘電動單車離去。該網民即表示，「你啲friend吖嘛，錄低晒㗎喇，我依家即刻報案」。