截止派利是日
【星島日報報道】轉眼，今天已是年十五元宵節，明天開始，大家講日子時可不再用舊曆了。同時，派利是，也到今天為止。因此，騎騎，各位明天見到我，再毋須拜年了，就算你「恭喜發財身體健康事事如意」大抽賀年說話講完後，小弟仍只會以尷尬笑容回敬，因已再冇利是在袋中！萬事總有條 定何時結束的呀！
派利是，近年愈來愈少了。因退休後，昔日上百人由年輕同事組成的「 利是團」，當然不會再搵我。位在權在利是在，位冇權冇，當然利是都慳番啦，嘻嘻！
派利是日比日少，正常。咁，收又如何？哈！更幾乎冇清光，只得一大封來自外母大人！人生階段就是如此，我已六十五歲，上一輩，當然十之八九已上天堂，以後，自己派畀自己啦！
回憶人生中不同派/收利是變化，都幾過癮。首先由BB開始，快樂透，年年收，隨着年紀長大，收到的利是內容，日比日豐厚。不過，人總會有「面皮」的，到二十幾歲，就畀親戚朋友窒 ：「 ，阿Luke，收埋今年好喇！」從此，覺得收利是，有點「罪惡感」，頗為抗拒，人要面，樹要皮也。
結婚後，初派利是，也唔多慣，難搞清幾時應主動派，幾時應等對方恭喜你才派。直到N年後，見到車淑梅，開始學習佢的「派利是大法」。淑梅姐理論：「能夠派利是乃是福氣，加上，派出利是令人快樂，就多多都派，對方有冇向我拜年，絕不重要！」真的可以解除心魔！從此，每年我早早撥出一個預算，大量換二十元紙幣，猛派（公務員，不必擺闊，利是多過二十元，若非親人，就有點「收入與利是支出不相稱」了）。
今時今日，我會追誰派呢？正是每天晨運經過所有洗手間的清潔叔叔嬸嬸，因年中麻煩佢 日日 中年男人應個個明 。
阿碌開咪 曾智華
專欄
