【Yahoo新聞報道】《Yahoo新聞》日前報道，梁先生經「高德打車」預約接載服務，遇到操普通話及自稱無香港身份證的司機，懷疑有關司機為黑工，即拍片記錄並報警。警方今（14日）拘捕一名 53 歲男子，並指涉詐騙集團安排不同私家車和司機載客取酬。梁先生再次接受《Yahoo新聞》訪問時，呼籲港人舉報懷疑黑工，「唔可以縱容佢哋，每個人都要合法地搵食」。

警方現正通緝另外 3 名詐騙集團成員，包括一名骨幹成員、一名涉案司機及一名登記車主。梁先生指，警方昨晚9時曾經致電，稱案件已轉由重案組跟進，警方會隨時聯絡了解案件詳情，「我相信都唔會係小事」。對於call車發現疑似黑工，演變成揭發詐騙集團，梁嘆謂：「我其實就真係無諗過」，最初只以為有租車公司派車予內地司機，豈料牽涉詐騙集團，「真係估唔到」。

促各call車平台檢討 堵塞黑工漏洞

是次案件涉高德出行，以及負責接今次訂單的宇宙出行。梁先生批評有關平台「可以畀到詐騙集團搵人去車人，其實漏洞好大，你又唔見Uber有咁嘅問題出現過？」他促各平台「應該要自己檢討吓」。

「咁多黑工嚟，搶埋更多人飯碗」

梁當時除報警外，亦有在社交平台Threads出帖講述經過，帖文爆紅，令事件受各方關注，「我就真係無諗過炒到咁熱」。今次成功揪出黑工詐騙集團，梁先生鼓勵一眾市民勇於舉報，「香港而家經濟咁差，市民都唔係點樣搵到食……仲要咁多黑工嚟，搶埋更多人飯碗」。他相信，本港黑工問題不只涵蓋司機類別，還有地盤、裝修、車房技工等，「唔可以縱容佢哋，每個人都要合法地搵食」。