阿倫探完劉德華：佢唔講得…笑！
【東方日報專訊】昨午譚詠麟（阿倫）單拖現身醫院探望於上周二（17日）在泰國拍廣告時，由馬背摔落地致盆骨撕裂的劉德華，阿倫在醫院大堂時，將手指放在嘴邊（口殊）一聲，叫傳媒保持安靜，並說：「睇吓上去見唔見到佢先。」之後轉身入升降機。
逗留約35分鐘後阿倫離開，神情明顯較上房時輕鬆，他說專程來跟華仔傾合唱之事。問及華仔的最新狀況？阿倫笑笑口指華仔康復理想：「佢傷勢嘅情況，我諗佢聽日會自己發表，呢樣我唔方便講，總之大家唔使擔心。」
呼籲唔好去探病
笑言成首位成功硬闖探病的阿倫，着華仔好友們不用探病，因為華仔實屬「唔講得笑」：「畀佢自己休息，因為所有嘅講嘢，笑同反應會觸動到神經囉，影響痛楚，佢話心領，大家有心，任何人都唔好嚟，希望大家明白。」又指華仔精神好好，阿倫本打算傾偈時引華仔笑，但最後都放棄：「都唔得，佢會痛囉，問晒要問嘅我就走。」
至於華仔可有痛到失眠？阿倫沒有回答，表情抵死地說：「佢會自己同你講。（佢太太照顧緊佢？）佢會話畀你聽。」有傳華仔想農曆新年前出院？他亦說不知道：「我梗係想佢返屋企！」 文：音樂組
