鄭欣宜開唱前瘦咗 拒著性感歌衫有原因⋯
鄭欣宜喺九龍灣為本月21及22號假紅館舉行嘅《Break A Leg演唱會》做綵排，首次在紅館舉行個唱，欣宜當然想出力做到最好，不過早前跌斷腳嘅佢腳傷未癒，佢惟有忍痛綵排，欣宜話雖然瘦咗好多，但唔會著性感歌衫，而今年有份提名金像奬最佳女配角嘅佢，仲話已經準備咗戰衣㖭！
撰文：東方新地｜圖片：新傳媒圖片
延伸閱讀：
三上悠亞第一首K-Pop MV推出！網民：「看不慣穿衣服的三上」
鄭欣宜個唱 無視腳傷跳熱舞
鄭欣宜為個唱進行排練，只見她無視腳傷的影響，依舊大跳勁舞，佢坦言：「其實跳嘅時候都係會痛，不過排舞老師好好，會偏重喺我沒事嗰隻腳。」Joyce表示演唱會內會唱別人的歌：「因為我睇show嘅時候會好鍾意大聲跟著唱，所以這次我都選咗一啲大家好熟悉嘅歌，畀大家一起唱。」。
查看相片
拒著性感歌衫有原因⋯
欣宜話個唱唔會有好多性感歌衫，佢話雖然最近因腳傷，加上做綵排有做運動而瘦咗，但都唔會突個肚腩出嚟畀人睇！欣宜又笑言瘦咗好多，怕大家唔認得佢！
查看相片
準備戰衣去金像獎
嚟緊星期日係金像獎，今年被提名「最佳女配角」的葉德嫻憑《明月幾時有》被看高一線，而能與葉德嫻匹敵的，口碑極佳的《29+1》鄭欣宜。被提名金像獎女配角的欣宜話因此興奮咗好幾日，而佢都有同導演彭秀慧傾咗好耐，諗著什麼衣服出席頒奬禮：「我尋日至試完衫，好開心可以同咁多前輩一齊出席呢個盛事。」
查看相片
睇番鄭欣宜去年底去旅行時因為跌斷左腳兼腳骨移位，而要做手術及物理治療，至今未完全康復，當日佢自拍視頻擔心到爆喊，欣宜話自己好鍾意跳舞，佢希望多做物理治療加速康復，絕對唔可以因此影響佢等咗好耐嘅紅館夢！
查看相片
