容祖兒2億買樓呻窮：每月得幾千蚊用
日本度假回來的祖兒緊接獻唱，雖然身穿密實桃紅色Bling Bling外套，但都遮不住入面的低胸性感連身褲，若隱若現非常吸睛！提到以2億購入淺水灣豪宅，她即笑說：「如果你有機會見到我媽就問佢啦，唔關我事o架！我只係負責前線，得個做字，每個月得幾千蚊零用錢咋，好彩仲有強積金，佢就係大富婆，負責享受生活。」並透露正計劃開20周年演唱會，所以四出睇騷取經。
克勤腰傷頂硬上
上台前先張揚因腰患未能受訪的克勤，騷後由助手交代受傷一事︰「佢落車嘅時候唔小心拉傷咗條腰，係舊患又再拉傷，即刻食咗止痛藥，但過咗一日都依然好痛，不過因為一早應承出席活動，就忍痛上台演唱，上落台都要人扶。」故見他於台上行動緩慢，只企定定唱兩首歌便離場。
坤坤刮花「老婆」
身穿性感透視裝的JW孖住坤坤受訪時大爆對方最近以接近6位數字買新車，更嘲笑他自刮「老婆」好蠢︰「佢揸車技術好差！」令坤坤大叫心痛，笑言要練好國語四處登台「幫補家計」。甚少於公開場合演唱的劉愷威則與前輩關菊英合唱《講不出聲》，問到可想重操故業做歌手？他即耍手擰頭說：「唱歌仲大壓力過做戲，驚自己駕馭唔到。」
" data-reactid="31" style="margin: 0.8em 0px 0px;">
天后容祖兒首度開腔回應豪擲2億購入豪宅，撒嬌求饒別再追問，又笑住大呻只負責「前線工作」，指其母才是大富婆享受人生！而帶傷上陣的李克勤，全程強忍腰痛演出，上落台更要助手攙扶。
祖兒、克勤、劉愷威、吳業坤、JW（王灝兒）等群星前晚出席《追夢大灣區》大型音樂晚會，音樂才子鄧智偉獲邀擔任音樂總監，打頭陣以鋼琴演奏為大會創作的主題曲《共同家園》。剛從日本度假回來的祖兒緊接獻唱，雖然身穿密實桃紅色Bling Bling外套，但都遮不住入面的低胸性感連身褲，若隱若現非常吸睛！提到以2億購入淺水灣豪宅，她即笑說：「如果你有機會見到我媽就問佢啦，唔關我事o架！我只係負責前線，得個做字，每個月得幾千蚊零用錢咋，好彩仲有強積金，佢就係大富婆，負責享受生活。」並透露正計劃開20周年演唱會，所以四出睇騷取經。
克勤腰傷頂硬上
上台前先張揚因腰患未能受訪的克勤，騷後由助手交代受傷一事︰「佢落車嘅時候唔小心拉傷咗條腰，係舊患又再拉傷，即刻食咗止痛藥，但過咗一日都依然好痛，不過因為一早應承出席活動，就忍痛上台演唱，上落台都要人扶。」故見他於台上行動緩慢，只企定定唱兩首歌便離場。
坤坤刮花「老婆」
身穿性感透視裝的JW孖住坤坤受訪時大爆對方最近以接近6位數字買新車，更嘲笑他自刮「老婆」好蠢︰「佢揸車技術好差！」令坤坤大叫心痛，笑言要練好國語四處登台「幫補家計」。甚少於公開場合演唱的劉愷威則與前輩關菊英合唱《講不出聲》，問到可想重操故業做歌手？他即耍手擰頭說：「唱歌仲大壓力過做戲，驚自己駕馭唔到。」
