姜濤墮海Stanley慰問冇回覆 AK：我同佢講生日快樂都唔覆！

【on.cc東網專訊】姜濤日前不慎墮海，嚇到大家鼻哥窿冇肉。身為MIRROR隊友，其餘11子自然擔心，Stanley昨日出席活動時表示有即發短訊給姜濤，但對方沒有回覆：「我即Send Message畀佢，冇講太多嘢，太多人問佢O唔OK，發生呢啲事，我覺得佢唔會OK，講呢啲嘢有乜謂，我同佢講有咩嘢就同我講啦！」

而「夜粥小組」成員AK、Lokman、Alton、Frankie昨晚騷後，被問到Stanley姜濤沒有覆短訊一事，Alton笑說：「佢唔係淨係今次唔覆！」AK插嘴：「佢唔覆好正常，我同佢講生日快樂都唔覆！」Alton再說：「佢好公道！」Frankie就爆有辦法令他覆：「有次佢漏嘢，我影畀佢睇，佢就即覆！」

而姜濤就繼續晒出巴黎之旅的照片，他表示今次睇騷的場地好特別，不枉今次之行，他亦有Po在當地逛店的照片，心情大靚。

【更多影劇新聞詳情請上東網新聞】