劉俊謙與蔡思韵公布在日本結婚，無數「劉太」失落之餘，大埔區的物業代理或會感興奮。皆因劉俊謙曾透露鍾情大埔區，結婚後如在區內置業，大埔物業就再增添名人光環。不過從劉生劉太的喜好及工作版圖，他們又未必會選擇榮升大埔豪宅業主。

下載Yahoo財經APP

美股外幣即時報價 多國新聞任睇

廣告代言身價260萬 豪宅買得起

先講財力，憑《九龍城寨》爆紅後，劉俊謙吸金力不下於林峯，廣告代言產品涵蓋補健食品、保險、外賣平台。市場消息更指單係保險公司廣告，劉俊謙身價已逾260萬元，更有分析指呢口價物超所值。

按呢口價推算，劉俊謙一年吸金逾千萬元，可能已是保守估計。現時大埔豪宅淺水灣，三房實用面積1,446呎單位叫價1,680萬元，老牌豪宅康樂園兩房實用面積811呎單位叫價1,050萬元，新婚劉俊謙確有實力上車，購置豪宅在安樂窩。

不過劉俊謙早年在訪問中詳談他對大埔的「愛」，他直言成世人都係住大埔，入行後更視大埔為「抖氣」地方。鍾情大埔原因，是他在富善邨成長，喜歡大埔「少少鄉下」感覺，住在大埔較容易「感受生活」，例如到大埔街市食豬扒麵，或去大埔海濱公園散步。

如選擇搬入「高牆大戶」豪宅，對劉俊謙而言，就可能難以再感受大埔「少少鄉下」特色及「感受生活」，區內市郊豪宅就未必符合他的喜好。

劉俊謙與蔡思韵演藝事業版圖早已衝出香港，曾參與多部台灣電影及電視劇，蔡思韵更將首次參演韓國電影《Bluefish 청어》 。當紅演員機會來自世界各地是新常態，未來他們一年有多少時間在香港其實是一個問號，斥千萬買大埔豪宅住唔夠半年其實唔太划算，在大埔租樓反而更具彈性。