金像獎2024 ｜ 《毒舌大狀》奪最佳電影 梁朝偉再奪影帝與劉嘉玲隔空傳情《金手指》奪6獎成大贏家

第42屆香港電影金像獎頒獎典禮今日（14日）假香港文化中心隆重舉行，19個獎項已全部頒發，當中《金手指》奪得6個獎項成大贏家，而當中亦有不少感動場面。

《金手指》成大贏家

《金手指》奪得6個獎項，包括最佳視覺效果、最佳服裝造型設計、最佳美術指導、最佳攝影、最佳音響效果及最佳男主角，為全晚大贏家。

劉青雲因病缺席

原定由《新不了情》CP劉青雲和袁詠儀一同擔任頒獎嘉賓，頒發最佳男主角獎項，但由於劉青雲患病，而由古天樂頂上並扮作劉青雲。二人宣布梁朝偉憑《金手指》六度奪得最佳男主角。

梁朝偉與劉嘉玲隔空傳情

劉嘉玲身穿黑色服裝配上金色龍蝦造型的飾物，上台代丈夫領獎，她說：「梁朝偉（全場大笑），喂你講啲嘢啦。」梁朝偉說：「我唔識講啊，好開心囉，因為好耐冇喺電影金像獎度攞過獎喇，差唔多都隔咗有十幾年喇，係咪要講得獎感受？嘉玲姐。首先要多謝香港電影金像獎，同埋所有提名我嘅朋友，多謝英皇娛樂楊老闆、導演莊文強畀呢個機會我，亦多謝監製黃斌，多謝好欣賞嘅攝影師明哥（潘耀明）同佢嘅團隊，好多謝所有台前幕後嘅演員捧場。」梁朝偉亦不忘多謝太太劉嘉玲，「梗係多謝你啦！係咪啊？」劉嘉玲反問：「你係多謝我？多謝袁詠儀定劉青雲啊？」梁朝偉回答：「多謝你丫嘛！嘉玲姐！鼓勵同埋支持，亦都要多謝我啲屋企人、監製，最緊要多謝呢41年一直支持我嘅觀眾朋友，多謝大家！」劉嘉玲謂：「我想講啊！可否畀我講兩句啊梁朝偉？我知道梁朝偉一攞獎，好多人都會話又係佢啊？好嘅演員可能付出100分200分，但我覺得佢係一個好偉大嘅演員，付出500至1000分嘅努力。」梁朝偉隨即說：「我係好演員但唔係偉大。」他強調了兩次。劉嘉玲其後說：「香港電影加油！」梁朝偉附和：「香港電影加油！」

《毒舌大狀》成最佳電影

雖然《毒舌大狀》失落多個獎項，但最終獲得最佳電影，令該片的台前幕後都十分高興。吳煒倫導演獲獎後說出「結案陳詞」：「多謝所有買飛入場嘅香港觀眾。多謝所有台前幕後嘅工作人員，好感受到上下一心，呢樣更重要。大家都要上下一心去做好部電影。」失落影帝的黃子華眼濕濕地說：「如果我有得攞男主角，我只係想講一句話『牡丹雖好都需要綠葉扶持』。我好想講呢套戲阿Jack佢哋係做咗好多嘢，但佢哋係得唔到一個獎，我會想送個獎畀佢哋，但