撐佔中被內地封殺？發哥未驚過：咪搵少啲囉！
呢個世界就係有啲人會為咗正義放棄金錢，最新例子就有發哥周潤發。
雨傘運動都差唔多都有成一個月，期間有唔少嘅藝人表明支持，例如杜汶澤丶何韻詩丶黃秋生等。據說他們已被內地封殺，更被王晶刪除聯絡電話。咁大件事，發哥仍然表示支持佔中，完全驚都未驚過呀！
話說近日網上流傳一份大陸相關單位要求電視台需要『冷處理』的藝人名單，發哥竟然榜上有名，原因係他發表支持佔中。有報道指日前發哥現身九龍公園，被問到正在拍攝支持藍絲帶嘅導演王晶嘅新戲《賭城風雲2》擔唔擔心會被內地封殺，發哥就話：「咪搵少啲囉！」 佢仲表示希望政府可以早日同佔領嘅市民商討，解決有關問題。
同時被問到王晶unfriend「娛樂圈佔中三子」杜汶澤、何韻詩及黃秋生一事時，發哥就話冇所謂，因為每個人都有言論自由。
