蔡國威「瘋Show」中埋六合彩
【太陽報專訊】亞視藝人蔡國威在微博分享銀包失而復得的經過，他透露有心人婉拒酬謝，對飽受拖糧事件困擾的他以作支持，他不禁大讚香港充滿愛心，而昨晚他亦中了四個字六合彩，獲派彩六百四十元，認真Lucky！
亞視因拖糧而陷入陰霾，旗下藝人蔡國威昨日在微博發放正能量，驚魂未定的他分享銀包失而復得的經過，讚揚香港人充滿愛心。他受訪時回憶事發經過：「喺新蒲崗食完早餐，然後去旺角做Gym，期間有相熟嘅汽車經紀打嚟通知我唔見咗銀包，唔係我都懵然不知！立即坐的士去同好心人會合。」
好人婉拒酬謝
蔡國威透露銀包當時僅有2張100元港幣及8張100元人民幣，如獲至寶的他主動向有心人提出酬謝，卻遭對方拒絕：「佢唔肯收，佢話知道我哋公司（亞視）有問題，會支持我哋，真係好感恩香港有好多好心人！（佢知你係藝人？）食早餐時佢坐我對面，可能佢認得我。（有冇因為公司冇糧出多咗優待？）多咗朋友請食飯，自己覺得冇所謂，遲吓有錢會請番大家食飯！」昨日現身亞視大埔總台的姚嘉雯，談到蔡國威尋回銀包一事，她笑指對方好運遇貴人。
苦等出糧供樓
至於11月下半月的薪金問題，蔡國威指目前仍未到手：「出咗糧後都要供樓同差餉，拎番都係左手入右手出！（有咩打算？）希望月底有好消息啦！」
而姚嘉雯則已收到支票，問到對12月薪金發放是否感到樂觀？她說：「點睇都唔係員工可以話到事！」而近期頻頻露面回應拖糧事件的亞視執行董事葉家寶亦有進出大埔總台，但他拒絕接受媒體訪問。另外，昨晚六合彩開彩，蔡國威中了四個字，獲派彩六百四十元，他表示感到幸運。
