閨蜜最大用途係乜？梗係爆大鑊啦！就好似馮盈盈（FYY）同余思霆咁，盈盈當年選華姐時，被同房余思霆踢爆除剩Bra同底褲喺房周圍行，最後更搞到全裸，2人仲Friend到一齊沖涼添！而喺最新一集嘅《#後生仔傾吓偈》，盈盈就舊事重提當年嘅「赤裸事件」，原來仲有段古。

盈盈話：「我哋去到後期一齊唔着衫喺房走來走去，佢（思霆）夜晚要同當時男朋友Face time，佢都會叫我喺廁所唔好出嚟住，我問佢做咩，佢話：『你又冇着衫，我Face time 緊，你着番衫先！』。」照咁推斷，思霆當時好大機會係同前男友裸聊，而思霆當時嘅男友，應該係已拆夥嘅天堂鳥成員歐鎮源。