索爆靚媽溫碧霞 露香肩孖囝囝影相晒溫情

【星島日報報道】溫碧霞(Irene)將舉行演唱會，老公何祖光早前開口大讚太太已很弗，宜家加緊練歌。Irene近日就係網上甫相，同囝囝Xavier合照，大晒母子情，相中仲見到Irene露肩，加埋飄逸嘅裙仔，有母愛之餘亦不失少女味，不過右膝前就有一瘀傷喎？

溫碧霞為開演唱會，要抽時間做運動操弗身形，之前就爆自己體重102磅，嘆開騷真的不容易，仲講明歌衫「露膊頭就一定有，再加上今年又興」。不過開騷都要睇住囝囝，戴住草帽嘅Irene，同紅色衫嘅囝囝好開心咁喺公園影相，佢就留言話「時間過得太快，只想留下這美好的每分每秒：）[鮮花][心][心][心] 」。