JW半天吊濕身自揭「底」牌
安全感》作結。
騷後訪問時，講到今次只開一場，但舞台製作揼本，JW坦言公司只想做好件事，沒想過會否賺錢。講到濕身，她坦言打晒底，不怕冷親：「聽到觀眾歡呼我都好滿足，幾凍都覺得抵晒。（男友對你演出有咩評價？）佢Proud Of我，我好開心，每次我緊張，但見一見佢我就定番。（點解唔喺台上多謝佢？）有啲嘢在心中。」
文：音樂組
攝：鄭家俊
" data-reactid="31" style="margin: 0.8em 0px 0px;">
歌手王灝兒（JW）前晚舉行紅館處女騷，獲男友坐正第一行捧場，全晚除了又跳又唱外，她更玩埋濕身兼飛天，使盡渾身解數！但身穿短裙的她整理裙襬時不慎走光，露出黑底。
JW前晚首次在紅館舉行個人演唱會，獲男友Tarzan、何超蓮、林奕匡夫婦等人捧場。JW施展渾身解數，又跳又唱，藝高人膽大的她更大玩「飛天」及「濕身誘惑」！身穿露肩晚裝的JW企在凌空的正方形盒子內，以《太空人》揭開序幕，盒子在半空中稍微左右搖擺！中段時，JW換上貼身裙，台上灑水營造落雨效果，赤腳的她與舞蹈員在「雨中」跳舞，期間幾個男舞蹈員打橫拋起她再接住她，全身濕透的JW其後企在鋼琴上落力獻唱，獲全場鼓掌！
Tarzan監場 坤坤想做咩？
接着嘉賓吳業坤出場，JW用毛巾抹一抹自己就與坤坤合唱《原來只因深愛着》，唱完後坤坤行近她，JW問：「你想做咩？」坤坤笑說：「握手啫！有人喺下面（指JW男友Tarzan）。」然後JW落台換衫，另一嘉賓關楚耀出場，兩男搞笑互寸及合唱《男人信什麼》。其後JW上台多謝前老闆黎明，表示沒有對方自己不能入行，隨後跳落台邊唱《掛念好友》邊與觀眾握手，JW第一個就與坐在第一行的男友握手，但男友沒甚反應，JW即說：「握手啦！」
感動爆喊唱不出聲
其後JW換上斜膊露腿晚裝，整理裙襬時不慎走光露出黑底。唱到《小故事》時，歌迷開手機燈，JW感動爆喊一度唱不下去，她邊抹淚邊說：「冇諗過我可以喺紅館開演唱會，冇諗過大家會畀錢入嚟聽我唱歌，好感動，我有咩都已經畀晒你哋，希望你哋鍾意！」最後以《安全感》作結。
騷後訪問時，講到今次只開一場，但舞台製作揼本，JW坦言公司只想做好件事，沒想過會否賺錢。講到濕身，她坦言打晒底，不怕冷親：「聽到觀眾歡呼我都好滿足，幾凍都覺得抵晒。（男友對你演出有咩評價？）佢Proud Of我，我好開心，每次我緊張，但見一見佢我就定番。（點解唔喺台上多謝佢？）有啲嘢在心中。」
文：音樂組
攝：鄭家俊
