網民熱話：公審手作人？訂造尺寸口同鼻拗
【on.cc東網專訊】手作當道，人人都一展所長，用技能公諸同好，但卻有可能因此惹來買賣爭拗。有網民早前上傳一段與皮革手作人的對話，直斥對方「無恥便無敵」，指其訂造的文件袋尺寸不合而無法使用，冀網民平理。惟有網民質疑，事主並無清楚表達所要的尺寸，令其「想公審人反被公審」。手作人則澄清指，他確實按照事主所提供的尺寸製作，但取貨時突然被改變主意「加大」，「唔係唔啱尺寸，只係唔啱佢心目中嘅尺寸！」
女網民Venus昨日（20日）於群組「巴打絲打 Facebook Club」發文投訴，指其6月中於一間手作皮革店，以1000港元訂造一個A4尺寸大的皮革文件袋。兩人見面洽談尺寸，Venus當時指明，皮袋內籠要放到31乘25厘米的「普通A4文件」，惟一星期後收貨時，Venus發現尺寸不合，無法放下她的文件，要求對方重造，「材料錢我都應承會畀返佢」。
然而，時至今日Venus稱仍未得手作人合理回覆，對方索價2500港元才願意重製新袋，「仲要話我恐嚇佢，講晒粗口，鬧我臭X，X我老母」。她認為手作人的皮革店有騙財之虞：「最憎人有錯唔認賴天賴地硬，最憎男人老狗呃女人錢」。無計可施之下，Venus在網上公開事件，希望沉冤得雪：「我當跌咗錢，但佢屈我同用粗口鬧我同家人，我接受唔到。」
對於此事，一眾網民紛紛留言，認為事主片面之詞，未能交代整件事的來龍去脈，更質疑事主交代尺寸時說法含糊，錯不在店主。「你就淨係話普通文件，普通文件根據常人嘅理解應該係唔連file（文件夾）㗎嘛，對不？」也有網民認為：「問題到尾…根本就唔係佢哋點溝通唔好，明顯佢唔夠用心去留意啲細節，所以先出現問題！」
東網向店主阿Mo查詢此事時，他解釋當時明確按照事主所提供的尺寸製作，「但係嗰陣佢話要放A4尺寸嘅合同，上到嚟攞貨時先話要放佢啲File，我都打咗個突。」阿Mo澄清，一個這般大的皮袋：「根本就冇得賺，佢仲要講價」，跟對方洽談尺寸時，對方亦顯得很匆忙。
「佢根本就心不在焉聽唔入耳，只係講要A4文件尺寸」。阿Mo更指事主最後直接拿走該皮袋，要他追出去才肯支付尾數500港元。Venu否認此事，雙方各執一辭，最終因此事而遭「網絡公審」，他直言：「你又唔會少忽肉，香港太多呢啲人啦，唔使理呢啲人！」
網民有話說
Cilla Chan：其實做唔好嘅話，樓主當日又點解拎貨走，又畀埋尾數呢？講真，到依家為止都真係除左樓主，都冇人話店主唔掂。細心真係要睇人點對我，我點對人。幾十蚊，我喺台灣都買唔到一件真皮貨。
Vanako Ching：樓主你平面度個file同文件冇用㗎，下次度埋你份文件有幾高有幾厚先叫人訂造喇。
宋德衡：FB 出下氣啫，主要睇當事人點搞。
Maak Tg：好正常，錢畀咗，袋又拎埋有咩可能要人再整多個？
※緊貼網民熱話，掌握最熱話題，請關注網民熱話fb：
http://on.fb.me/1L3m1ro
