多「數目字」嘢嘅部門，得罪講句，一定係人事部，相信唔少打工仔都一定「深受其害」。就由呢一分鐘開始，我哋一齊細數那些年人事部，衰過嘅事啦。" data-reactid="18" style="margin: 0.8em 0px 0px;">要數呢個世界做得最多「數目字」嘢嘅部門，得罪講句，一定係人事部，相信唔少打工仔都一定「深受其害」。就由呢一分鐘開始，我哋一齊細數那些年人事部，衰過嘅事啦。
- Send錯新同事人工畀現職同事：公司email人人都差唔多，有時打錯一個英文字，都足夠將一些機密文件外泄。最近有大集團的HR新仔就擺了一個大烏龍，竟然將快入職的同事年資、人工等機密資料，錯手Send咗畀一位同組的現職同事，同事冷不防打開咗個email，睇到眼都突晒，心諗︰「乜我有咁高人工咩？」捽一捽對眼再睇真啲，原來呢份人工係果位就返工的新同事，所以HR自己撞板都唔夠，同時間令舊人難堪、新人難做。
- 求職者未辭工就打去佢公司做Reference Check：Reference Check呢家嘢，HR好似做遲一步就會死，成日都驚死求職者講大話，結果HR一嘢就蹺起晒所有人。有一日，見完工的求職者如常返工做嘢，結果上司枱頭電話響，有把聲講︰「你好呀，我係XXX的人事部，我想求證吓XXX先生係咪喺度做呀？」收線之後，上司企咗起身，望住呢位有意離巢的下屬，講不出聲。
- 唔記得叫人返工：上司扑鎚請一個人，HR話會打電話同求職者講Offer，一星期過去，上司奇怪HR同事點解無晒聲氣，於是打電話去追問，結果HR同事如夢初醒，大叫︰「呀！我唔記得咗打電話呀！」然後求職者話兩日前應承咗另一個Offer……
