查看相片
【on.cc東網專訊】BB飲完奶好瞓啲？即使係咁，都要小心蛀牙！有牙醫指出，父母往往因為小朋友扭計要飲奶才肯入睡，結果令小朋友蛀牙。外國更加有嬰兒未足一歲已經有牙齒問題！
在澳洲南澳省，8歲以下小朋友的蛀牙問題愈來愈嚴重，求診人數比過去10年大幅增加55%，當中更有未滿1歲的嬰兒。
牙科醫生盧浩賢解釋，小朋友睡前飲奶又不刷牙，甚至把奶樽樽嘴含在口中，口腔中的奶會因細菌發酵而產生酸素，導致蛀牙，而現時並沒有研究指出飲人奶、牛奶或奶粉，對影響牙齒來說有什麼分別，家長都應該小心。他建議家長盡早幫小孩戒掉夜奶，同時教導小朋友早晚刷牙，及早預防。
兒科醫生陳以誠則指，如果小朋友剛剛長出恆齒，家長要加倍留意，不要讓小朋友狂啜奶樽，因為可能會引致哨牙。如果小朋友有均衡飲食、足夠營養的話，夜晚未必需要再飲奶，否則小朋友容易變胖，長遠增加患糖尿病的風險。
---------------
《港呢啲》：大事小事騎呢事，東網電視嚴謹選題，輕鬆製作！請關注港呢啲fb：https://goo.gl/My2tMC
查看相片
