怕生癌唔戴Bra 歐陽巧瑩又真空！

【東方日報專訊】「飛釘咪神」歐陽巧瑩（Tammy）、龔嘉欣、麥明詩、鍾舒漫、新鴻基地產（中國）董事馮秀炎及無綫高層余詠珊等昨日在觀塘apm出席無綫big big channel宣傳活動，其中Tammy穿低V裝真空露半球搶鏡。

Tammy繼上月在美國拍下冇Bra飛釘照力撐「解放乳頭運動」（Free The Nipple）後，昨晨又在Instagram上載着工人褲真空側露半球照，她於活動上說：「我響應7月9日『世界無胸罩日』，真空！（男友林師傑畀你咁着？）畀咗佢睇，我有貼膠紙同乳貼！（響應埋世界無褲日，除剩底褲示人？）其實我有朋友患乳癌，上網睇到話戴胸圍會增加患乳癌機會，想呼籲吓啫！」

同場的麥明詩以吊帶低胸裝示人，她笑說：「咁樣已經係我底線。（林作話手緊，想拍女性用品廣告？）咁我都可以拍鬚刨廣告喎！」