【Yahoo新聞報道】本港餐飲業在通關後面對結構性轉變，不論是高級餐廳抑或基層食店，均面對重大挑戰。有餐廳面對「消費降級」浪潮，未有採取裁員手段，反而透過開設新副線，以「開源」代替「節流」，並將手工意粉工藝用於拉麵之上，闖出新路線之餘，更成為市道低迷下穩住營收的關鍵支柱。
鄰舖「零頂手轉讓」 老闆：一闖新路
Jack Law經營米芝蓮推薦手工意粉餐廳 Involtini Italian Cuisine。他接受《Yahoo新聞》 專訪時指，銅鑼灣店生意在通關後重挫五成，位於屯門的姊妹店JEP by Involtini就靠著開設鄰舖日式拉麵店而穩住收入。開拉麵店的念頭，源於Jack的「不務正業」。在屯門仍只有JEP時，Jack曾期間限定推出牛扒之夜、青口任食、限量日式拉麵，怎料拉麵相當受歡迎，剛好JEP毗鄰餐應結業，更「零頂手轉讓」，「一蚊都唔使就拎到呢間舖」，Jack便決定一闖新路，開設「花華和食屋」。
「當時生意差咗好多，但我好不喜歡炒人，真係唔鍾意，所以就想開多一條路，畀大家有空位可以幫手」。Jack這個決定亦非盲衝，本身精通手工意粉的它，多年與澱粉質食品打交道，知識亦可用於製作拉麵之上，更將西廚技術融入拉麵之中，「我哋本身係西（式）嘅湯，咪自己再研究」。
「食物影印機」即日來回日本 食四碗拉麵
「花華」的菜單主打複雜工藝組合，包括選用四種煮乾魚乾與雞湯、經過兩天熟成熬製的「煮干雞白湯」，以及使用三種不同醬油調配、需熟成兩天的「熟成醬油」湯底。「我之前飛去日本飛一日，食四碗拉麵再返嚟」，笑言過往同事會稱他為「食物影印機」，「我自己做咗（廚師）23年，大概都知啲餐廳流程係點、用咩食材，所以我可能食某一樣嘢，我都可以做到八、九成味道出嚟」。
品質獲好評 拉麵店成救生圈
Jack花了不少心思研究拉麵麵條，指手工意粉追求澱粉質的「乳化」效果，但拉麵就恰恰相反，需剔除多餘澱粉以保湯底清澈，「麵水份含量低嘅時候，（麵質）都會硬啲，吸水會快啲，快淋啲快漲啲；高加水麵因為麵入面已經有水份，出面啲水份無咁快入到裏面，無咁快浸爛」。花華「6.0 版本」的全粒粉高加水麵，含水量精確控制在42%，麵條每日使用日本麵粉新鮮製造 。
嚴格品質控制令花華獲不少好評，在facebook群組「拉麵關注組」中，不少網友對Jack的出品給予正面評價，也是其意料之外。他坦言，拉麵店的出現是經營困境中的救生圈，「拉麵店（營業額）都救到隔離（JEP）50%」。
意粉店引彈性模式 份量價格減半
開設拉麵店後，他更了解現時食客對價格極為敏感，「啲人可能話唔介意畀貴少少食好啲，但一畀過200蚊，就會覺得都係唔好」。他續指，「我唔會用我出品貴唔貴去定義，我會用我間餐廳啲嘢好唔好食去定義；可能你一千蚊塊扒唔會覺得特別好食，但我可能200蚊一塊扒味道一樣，你就會覺得200蚊抵食啲」。故Jack亦進一步將這套邏輯應用於其手工意粉品牌。原名「JEP by Involtini」的屯門店已於去年7月正式更名為「HALF by Involtini」，其核心策略是引入「份量減半、價格減半」的彈性模式。
在新舊店的菜單對比中，這種價格調整尤為顯著。以其招牌菜式「甲羅燒意大利飯」為例，以往在JEP時每份定價為298元，轉型為HALF後，食客可以150元的「半份價」進場；另一道名菜「紅蝦意粉」，亦由原本全份380元，新增了200元的半份選項；同時增設多項低於100元的「半份」項目，包括深受歡迎的煎意式意大利雲吞及香蒜蜆肉手造意大利粗麵，令入場門檻大幅下調，有效降低消費者的心理負擔。「變相你兩個人嚟食，唔只食兩款，可以試三四款」
「要抱住咁樣嘅決心去做，你先好開一間餐廳」
在更名後的「HALF」菜單中，Jack 推出了標榜「非傳統」的 NTR（Not Traditional）系列，包括「NTR煎意大利雲吞」、「薄切西瓜芝士沙律」等創意菜式。他強調，對於經營餐廳「我會好在意自己啲嘢食」，目標亦相對遠大，「你開一間餐廳唔係要同隔離街鬥、亦唔係要同香港鬥，我係同日本鬥，你要抱住咁樣嘅決心去做，你先好開一間餐廳，要抱住咁嘅心態去做， 如果唔係就會好容易失敗」。
