超自然力量？馬鞍山現神秘圖案 原來係...
查看相片
【on.cc東網專訊】一個個看似迷宮的圈，究竟有甚麼用途？近日有網民於社交群組「馬鞍山之友」上載圖片，顯示馬鞍山一屋苑的地下，出現一個個神秘白圈，惹起網民競猜其實際用途，《港呢啲》為你拆解謎團！
發貼者指，該圖案是天主教及基督教作靈修之用的明陣，並問「富寶花園的居民每天都在這個明陣留下不少足印，但有誰知道其用途」。
不少網民紛紛留言猜測圖案的真正意思，有人認同其為明陣，亦有人認為該圖案看似迷宮及麥田圈，「好耐之前仲以為係個迷宮，因為隔離（籬）係幼稚園及遊樂場」。
根據香港聖公會出版的第2015期《教聲》介紹，明陣（Labyrinth）猶如迷宮，看似迂迴曲折，但實則有一條清楚的路，入口同時也是出口。「闖陣」的人只須沿着羊腸小徑緩步而行，自然就會走到中心點，又可以由中心點順着原路折返，走到出口。明陣是一個理想的安靜空間，能使「闖陣」者踱步默想。
《港呢啲》事後就圖片向該屋苑查詢，管理公司回覆指該白色圈為兒童康樂設施，原意供旁邊幼稚園的學生玩樂使用，並非網民所指的明陣。而該圓圈早於屋苑落成時已設有，但將會進行翻新工程，會否將其保留仍是未知數。幻想力豐富的網民們，似乎諗多咗喎？
---------------
《港呢啲》：大事小事騎呢事，東網電視嚴謹選題，輕鬆製作！
查看相片
查看相片
【更多即時新聞詳情請上東網新聞】
