聯賽盃利物浦主場鬥跌落英冠的修咸頓，雙方實力有好大差距，紅軍主帥史諾（Arne Slot）派出大批副線迎戰，結果都係要食救心，85分鐘才靠伊傑迪基（Hugo Ekitike）臨尾入球，2比1擊敗修咸頓。

伊傑迪基好波不容懷疑，但23歲依然相當腦殘，明知自己有黃牌在手，入波後依然以為自己好有型，脫下波衫向主場球迷慶祝。結果當然兩黃變一紅，臨尾球迷又再食救心。最重要係聯賽盃紅牌，並非下場聯賽盃罰停賽，而係英超鬥水晶宮無得踢。