柯震東到地檢署報到 剪髮取尿驗毒
今日係柯震東到台北地檢署報到接受偵訊嘅日子。佢上午九點喺律師同工作人員陪同下，好準時咁去地檢署報到，全程不發一言。根據正常嘅偵辦毒品案件流程，檢察官會採取柯震東嘅毛髮、尿液，然後再送到專業單位檢驗，鑑定佢係咪只係吸食大麻，定係仲有其他毒品。柯震東亦要落口供，除咗釐清日前承認吸毒2年是否屬實次外，並追查毒品來源。整個過程約2個半鐘，柯震東步出法院便上車離去。
根據台灣傳媒報導，如果驗出柯震東有吸食大麻記錄，將會面臨兩種狀況：若果有吸毒前科，檢控官可向法院申請觀察勒戒，再傳柯震東到戒毒所進行戒毒，直到無藥癮即可出獄，當局再做不起訴處分。
若柯無吸毒前科紀錄，就會考慮徵詢其意願後進行「戒癮治療」，暫緩起訴毋須入獄，但要自費到進行相關治療，期間再犯將會被起訴。
