假19座小巴？網民撐方便 遇事保險冇得賠
查看相片
【on.cc東網專訊】小巴超載，真係冇乜所謂？有網民於社交群組「巴打絲打 Facebook Club」中發布影片及相片，指自己在元朗坐上一輛16座紅頂小巴，但車上共有19名乘客。他批評司機：「為左（咗）賺多十幾廿蚊真係可好（以）去到咁盡？」
片段可見，該小巴於司機位左邊，利用木板增設兩座位，又在小巴太平門前再增設一座，三個「僭建」座位皆未見有安全帶。其中，坐在太平門前的乘客，背靠太平門開關掣。
不過，網民反應出乎發貼者意料之外！大批網民炮轟發貼者多管閒事，反問：「好出奇？」、「有咩問題？」、「淨係想賺多D（啲）？可能想方便人地（哋）呢？」，亦有人認為此舉可減省乘客輪候時間。
本網此前曾報道，公共交通工具載客人數如超出法例規定，即使發生任何意外，無論車主、司機甚至乘客，其實均屬違法及違反保單條款，屬於全部人責任，故全車乘客皆可能不獲賠償。國際專業保險諮詢協會曾建議，乘客如發現小巴超載，應盡快落車，以免意外後不獲賠償。
---------------
《港呢啲》：大事小事騎呢事，東網電視嚴謹選題，輕鬆製作！
查看相片
查看相片
查看相片
查看相片
【更多即時新聞詳情請上東網新聞】
