如果睇開NBA，每逢一節完結前，好多時球員在後場拿到波，就算時間只剩一兩秒，都會嘗試超遠距離投射搏大霧， 入唔到冇損失，好彩入到就多三分。不過亦有部分球員唔想咁做，原因好簡單，球員知道命中率極低，不想影響個人命中率。

但由新一季開始，呢類壓哨遠投將只計入球隊出手，唔會計入球員個人數據。據ESPN報導，聯盟老闆會議已經批准此更改。

聯盟希望新規例能鼓勵更多球員在節末真正出手，縱使命中機會不大。聯盟特別希望見到更多類似波士頓球員彼頓畢查（Payton Pritchard）這類專攻壓哨投籃的球員出現，提升球賽的可觀性。

此外，理事會會議還有其他決定：
• 由今季開始，若出界判決觸發教練挑戰，將由重播中心裁判進行決定，而非場上首席裁判，以加快檢視流程。
• 從2026–27賽季開始，季中錦標賽（NBA Cup）只有決賽會在中立場地（現時為拉斯維加斯）舉行，四強賽則改為由各自分區排名較高球隊主場承辦。至於25-26賽季仍會沿用「舊」模式，即四強及決賽都在拉斯維加斯進行。