財政預算案2026︱中環街訪打工仔:年年都失望 直接派錢好過︱Yahoo

熱度0票  瀏覽0次 時間:2026年2月26日 09:04
Yahoo新聞
更新時間
《Yahoo新聞》在中環兩餸飯店外做街訪,不少打工仔都稱派糖無望。
《Yahoo新聞》在中環兩餸飯店外做街訪,不少打工仔都稱派糖無望。

【Yahoo新聞報道】財政司司長陳茂波今發表 2026/27 年度《財政預算案》,包括個人免稅寬減倍增至 3,000 元。今午中環兩餸店門外大排長龍,《Yahoo新聞》記者訪問附近市民,有打工仔認為寬減金額不足,「而家物價咁樣升,其實你薪俸稅(減免)3,000唔係幫到好」,認為可以倍增至6,000元。至於「派糖」無望,有市民則認為合理,「知政府近年都等錢使嘅」。

財政司司長陳茂波今宣佈一系列惠民措施,包括寬減2025/26年度100%薪俸稅、個人入息課稅及利得稅,上限為3000元。
財政司司長陳茂波今宣佈一系列惠民措施,包括寬減2025/26年度100%薪俸稅、個人入息課稅及利得稅,上限為3000元。

陳茂波今宣佈一系列惠民措施,包括寬減2025/26年度100%薪俸稅、個人入息課稅及利得稅,上限為3000元,較上年度提出的增一倍。基本及已婚人士免稅額分別增至14.5萬、29萬元;子女免稅額增至14萬元 供養父母稅額增至5.5萬;政府亦將寬減2026/27年度首兩季的住宅及非住宅物業差餉,以每戶500元為上限。長者支援方面,綜援、生果金、長生津等額外發「雙糧」,涉額外開支65億元。

廣告
任職工程的陳先生受訪時,正在看新聞查閱有無「派錢」消息,怎料願望落空。
任職工程的陳先生受訪時,正在看新聞查閱有無「派錢」消息,怎料願望落空。

免稅寬減「應該多一個double」

任職工程的陳先生受訪時,正在看新聞查閱有無「派錢」消息,怎料願望落空,「年年都失望㗎喇,都無期望過,佢派咪一個bonus(獎金),唔派都無乜影響」。對他而言最受惠的是薪俸稅寬減,但認為上限3,000元不足夠,「應該多一個double(雙倍)都叫補貼多少少囉,而家物價咁樣升,其實你薪俸稅(減免)3,000唔係幫到好多囉,過渡期囉都係」。

陳坦言,平日每逢交稅均承受經濟壓力,「唔好話雖然佢一年交一次,但一次過嘔嗰筆數出嚟都大㗎,(交稅)嗰個月都係唔開心嘅嗰個月嚟㗎啦!」他認為,稅務寬減只屬政府不派錢的替代措施,「都係玩嗰啲『搬龍門』嘢囉,咁你直接派舊錢俾我用好過啦!」

廣告

不過,他對今次預算案的長者支援措施感到滿意,「以前生果金可能補貼千零二千蚊,對老人家嚟講佢哋冇咗工作能力,又退咗休,一個月其實係唔夠使費,個物價咁高,你以前就話可以100蚊一日食飯,而家一餐都唔知得唔得」,認為新措施可幫助老友記。

有中環打工仔坦言,每逢交稅均承受經濟壓力,期望政府薪俸稅寬免可「多個double」。
有中環打工仔坦言,每逢交稅均承受經濟壓力,期望政府薪俸稅寬免可「多個double」。

同樣任職工程的溫先生亦認為薪俸稅寬減金額不足夠,「好似少咗啲喎,以百分比計起碼都百分之五先夠啦!」至於供養父母免稅額方面,他亦未能受惠,因免稅額已供胞兄使用,對他沒有影響。

政府削職位 公務員稱工作量增加:「共渡時艱吖嘛」

公務員陳小姐除了薪俸稅寬減外,同時受惠於差餉寬減、供養子女稅額寬減等措施,「好呀,有錢梗係好啦,交稅都好大筆開支,我覺得有加大啲免稅額都好,派錢嗰啲有就有囉,冇就都唔係好大影響」。

廣告

對於公務員編制職位減少,亦未知能否加薪,她指比較重視民生措施,加上去年已經凍薪,因此目前不算太大影響,公司內士氣亦未受到太大打擊。不過,由於職位減少,現時感到工作量已有所增加,「但係共渡時艱吖嘛,都ok啦!」

法律界陳先生則認為香港稅率已比其他地方較低,滿意薪俸稅寬減的金額。至於派錢與否他亦不太在意,「因為知道政府都等錢使嘅」。

頂:0 踩:0
對本文中的事件或人物打分:
當前平均分:0 (0次打分)
對本篇資訊內容的質量打分:
當前平均分:0 (0次打分)
上一篇 下一篇