商台《晴朗》主持人全數病倒「開天窗」林海峰22年首次請病假承認「晚晚臨瞓都有認真諗下半場點打」

熱度0票  瀏覽0次 時間:2026年2月26日 09:05

Yahoo娛樂圈
林海峰、盧覓雪同阮子健主持《在晴朗的一天出發》
林海峰、盧覓雪同阮子健主持《在晴朗的一天出發

商台叱咤903節目《在晴朗的一天出發》自2004年啟播以來經歷唔少主持人變動,但係林海峰一直係「鐵腳」做足22年。不過尋日(24號星期二)《在晴朗的一天出發》時段居然聽唔到三位主持林海峰、盧覓雪同阮子健(KY)把聲,要由另外2位DJ雲妮同謝茜嘉分別以音樂節目頂檔。

林海峰
林海峰

代更嘅雲妮喺咪前解釋,原來林公子同KY都因病缺勤,而盧覓雪就仍在康復中,令節目罕有地休息一天。其後林海峰都有發文,指自己因為感冒而失聲。「感冒已經好得七七八八一時又六六七七狀態OK 咁la ,所以仲行得走得出吓汗,不過最攞命係條聲帶爛到不能再爛!有見及此為免聽眾去信廣管局投訴,唯有自行晴朗封咪,無謂辛苦大家」。林海峰打趣話今次集體請病假「難過中金寶」!「原來電台校長(編按︰行政部經理)話今次係我22年黎第一次晴朗請病假喎!嘩!乜話?廿二年第一次請病假?Woooh!收到呢個消息係咪要慶祝下?假假哋點都做塊亞加力牌賀賀佢,紀念佢破我處子之身,上面就寫『WT FLU!』」。撇除事先請假,即使前一晚做舞台劇,Jan都真係會返商台開咪做《晴朗》,佢都承認「就算病我都會返電台開咪」。

廣告
林海峰發文話因為失聲,22年來首次請病假
林海峰發文話因為失聲,22年來首次請病假

下年「登六」嘅林海峰都話臨近退休之齡,但仍然希望可以繼續開咪。「雖然晚晚臨瞓都有認真諗下半場點打去邊打,但結果天未光起身就會同自己講,話如果仲有人聽,如果仲唔炒,如果仲有福份可以為呢個地方嘅每朝早做一啲啲,我係仍然好享受繼續在晴朗的一天陪大家出發!」。

今朝《晴朗》由盧覓雪同月巴氏主持
今朝《晴朗》由盧覓雪同月巴氏主持

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!


頂:0 踩:0
對本文中的事件或人物打分:
當前平均分:0 (0次打分)
對本篇資訊內容的質量打分:
當前平均分:0 (0次打分)
上一篇 下一篇